منتديات احباب عرب  



العودة   منتديات احباب عرب > القسم الادبي > الشعر والخواطر



عبارات حزن عن شهداء مصر , كلمات عن الشهيد , بوستات وتغريدات عن الشهداء

عبارات حزينة عن شهداء , شعر عن الشهيد, اشعار حزينة عن الشهداء , صور شهداء مصر, شعر عن شهداء مصر , خواطر عن شهداء مصر , صور حداد , صور

إضافة رد
 
LinkBack أدوات الموضوع انواع عرض الموضوع
  #1 (permalink)  
قديم 08-27-2016, 05:02 AM
انفال غير متواجد حالياً
 
تاريخ التسجيل: Aug 2016
المشاركات: 9,207
معدل تقييم المستوى: 11
انفال is on a distinguished road
افتراضي عبارات حزن عن شهداء مصر , كلمات عن الشهيد , بوستات وتغريدات عن الشهداء


عبارات حزينة عن شهداء , شعر عن الشهيد, اشعار حزينة عن الشهداء , صور شهداء مصر, شعر عن شهداء مصر , خواطر عن شهداء مصر , صور حداد , صور شهداء , صور شهيد , كلام حزين عن الشهيد , كلمات حزينة عن شهداء مصر ,


قصيدة الشهيد للشاعر عبد الرحمن يوسف القرضاوى


كان يا ما كان

كان فى شهيد فاكرينه مات

واقف يتفرج علينا من سكات

يدخل علينا زى نور المشربيه

ويزيدله شوقتا من حديث الذكريات

يسمع دموع الأمهات

حمال أسيه

والصبر غيه

صوت المظاهره يلهمه

طالع لجنة ربنا على سلمه

والكام رصاصه الدفيانين جواه معدتش بتألمه

أيوه ماعدتش بتألمه

الأ اما واحد صاحبه يبكى عليه ويتشحتف بكلمة زى

* الله يرحمه *

---------------------------------

خلفتى يا مصر ومن خلف شهيد ما مات

سبع تلاف عام مواكب خير بتتوالى

خلفتى فرحه وفرحه غيرنا لسا ما جات

خلفتى كلمه لأمه لسا قواله

خلفتى راجل بيهزم جيش من الأوغات

نعلى بأفعلنا ونفوسنا ما تتعالى

بننحسب بالغلط فى لستة الأموات

وأحنا اللى ما عشنا فوق ظهر الوجود عاله

---------------------------------

كان ياما كان كان فى شهيد

كانت نهايته أو بدايته لما يوم حفروا القتال

خلف شهيد كانت حكايته لما يوم عبروا الطريق

خلف شهيد عاش كالراجل

حربه أسمها اللقمه الحلال

كان فى شهيد عايز سؤال

مين اللى ماسك دفة المركب وحادف ليه شمال ؟؟؟؟؟!!!!

مين اللى خرب مركبك يا مصر ???

مين اللى داس الكوخ برجل القهر ???

--------------------------------------

كان ياما كان كان فى شهيد رافع علامة النصر

يوم كان فى عباره ويوم كان فى القطر

وليله بايت فى الدويقه جوا بيت من سخر

وليله جوا القسم أو فى المعتقل راضى وسعيد

خالد سعيد عاش كالراجل بسيد بلال

----------------------------------

كان ياما كان كان فى شهيد

خلف شهيد جاور شهيد

كان جد جده كمان شهيد

صاحب شهيد ناسب شهيد

جوز بناته الخمسه لولاد الجيران

طلعوا ولاد عم الشهيد

جابم شهيد

عاشم وما عاشوا يقاوموا القتل فى الطوابير

ماشين على المسامير

والكل بيعظم سلام لعصابة الخنازير

والظلم فاض

هات طوبه ياض

داخلين علينا البلطجيه طوال عراض

راكبين جمال شبه القراض

هات طوبه ياض

حصلى دغرى عند عبد المنعم رياض

بتقولى عبد المنعم رياض !!!!!!!

مش قولتلك

كان فى شهيد خلف شهيد

طب ايه الجديد

ربك يريد

أنت الشهيد اللى جنبك ضى

واخد 3 رصاصات على شومه ماقولت الأى

زينة ولاد الحى

وانتاى الشهيده عروسه ملهاش زى

انت الشهيد وقصدتى ماشى فى موكبك بتزك

أنت اليقين لأمه عاشت عمرها بتشك

ماشى فى طريقك محترم والكل ماشى يعك

نزلتنا بأسلوبك أنت لزحمة الميدان من زحمة الفيس بوك

--------------------------------------------

أنت الشهيد أبن الشهيد اللى أتولد عشان يكون أبنه شهيد وأبنه شهيد وأبنه شهيد

طب أيه الجديد ربك يريد

وحياة كنايس ردت صوت الأزان

وحياة شجاعة شعب ضد رئيس جبان

وحياة ما دمعنا وكحينا من بقنابل من دخان

وحياة سلاح الأمريكان ضد الشعب

وحياة ما شاف الكون على اديان العجب

وحياة ما قداسنا وصلاتنا وحدوا كل مكان

وجمدوا جرى الزمان

وحياة مازيناك يا سور البرلمان

وحياة جرايت هلست واتريقت

وحياة فدادين الغلابه اللى على أهل القصور اتبعزفت

وحياة اراده اتجرأت

وحياة عنين أنخزفت

وحياة عنين تانيه فى وشوشنا برقت

الثوره دى مش ملكنا

أحنا اللى ملك الثوره يا جدعان

وحياة نومتنا على الرصيف وسط الميدان

دم الشهيد أب الشهيد اللى اكيد ابنه شهيد

لأزم ينور درب مستقبل جديد

---------------------------------------

منصوره بينا يا مصر منصوره

رسمنا ثورتنا بالون العدل

وعملنا ما الدبابه سبوره

نكتب عليها رأينا فى الندل

ونجيب ولادنا لأجل ياخودو جمبها صوره

ماشين بقدرة ربنا على الحبل

مايهمناش السجن ولا القتل

نايمين على الأسفلت شوكه فى حلق أى عصابه محشوره

منصوره بينا يا مصر منصوره

المواضيع المتشابهه:

رد مع اقتباس
إضافة رد

الكلمات الدلالية (Tags)
الشهداء, الشهيد, بوستات, شهداء, عبارات, وتغريدات, كلمات


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

Privacy Policy سياسة الخصوصية |

free counters

Sitemap

الساعة الآن 01:55 AM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.

Security team