منتديات احباب عرب  



العودة   منتديات احباب عرب > القسم الادبي > الشعر والخواطر



عبارات غياب , كلام عن الغياب , اشعار عتاب وغياب

أشتقت لك واللي خلق حلو الإحساس يا مالك قلبي وروحي وعيني حبي لك أكبر من هوى الناس للناس تبعد .. تقرب أنت موجود فيني

إضافة رد
 
LinkBack أدوات الموضوع انواع عرض الموضوع
  #1 (permalink)  
قديم 08-25-2016, 06:30 AM
انفال غير متواجد حالياً
 
تاريخ التسجيل: Aug 2016
المشاركات: 9,207
معدل تقييم المستوى: 11
انفال is on a distinguished road
افتراضي عبارات غياب , كلام عن الغياب , اشعار عتاب وغياب


أشتقت لك
واللي خلق حلو الإحساس
يا مالك قلبي وروحي وعيني
حبي لك أكبر من هوى الناس للناس
تبعد .. تقرب
أنت موجود فيني
أنت الحبيب اللي على العين والرأس
قربك هوى قلبي .. وأحلى سنيني




أخذت من عود الربيع الطراوه
وأخذت من ذوق العسل هرج معسول
وأخذت من وقت الغروب الهداوه
وأخذت من نجم المساء سر مجهول




هونتها لكنها عيت تهون
لا قلت راح الهم ألقاه قدام
فيني ألم ما مر في قلب مطعون
فيني حزن ما مر في عيون الأيتام
عاقل ولكن طحت في وقت مجنون
وصار الزمن ضدي والحبايب والأيام




ما أقدر أفسر في خيالي معانيك
لكن تمنيت أوصل حدود بالك
وأعرف وش أغلى ما تمناه وأعطيك
ليت السعادة دايم تصير فالك
جعل الزمان اللي يزعلك يرضيك
وأشيل عنك الهم وأزعل بدالك




مابي حب ولا غيره ولابي صوت
أبي موقف أبي كلمه تهز أوطان
أبي انسان
اذا طحت من طولي

يفز ويسند حمولي

يحس فيني قبل لا أشكي

يواسيني قبل لا أبكي

ومن قلبه اذا حنيت

ألاقي بداخلة أحضان

(( دخيل الله أبي انسان ))




ما عاش مخلوق يعرفك و ينساك
بس الزمن زادت علينا حموله
ياصاحبي جعل المخاليق تفداك
يفداك كل الكون عرضه و طوله.




ياصاحبي لا معي تتعب ولا تشقى
يتبدل الوقت واخلاقي هي اخلاقي
بعض المواقف تجي وتروح ما تبقى
وبعض المواقف صداها بالعمر باقي
ان جيت غالي واذا ماجيتني تبقى
اكثر انسان عزيته من اعماقي




تاهت الخطوه على الدرب البعيد
والمشاعر همها ذاك السؤال
هو صحيح الحب به عبد وسيد..؟
انت سيدي وانت عمي والخوال




تساليني ليه انا دايم حزين
تساليني عن سبب هذا العذاب
قصتي قصه طويله من سنين
قصتي عمر الطفوله والشباب
البدايه جرح في قلبي دفين
والنهايه مالها عندي جواب




اعرفك زين ..!
تحب تحرق لى اعصابى
وذا قلت ليه تقول فاضى
تحب تحكم كما القاضى
تحب تسبب احزانى
حبيبى ليه تدمرنى
وتجلس فوق انقاضى
تحب تهز وجدانى
تبى تترك غرامى روح
لأنى منك متحطم
ولأنى منك انا المجروح




يضحك بي الشامت إذا قلت ما آتوب
ويحزن صديق العمر مما يجيني
ليته يغطي لوعة العاشق الثوب
والا عيوني ما تبين حنيني
وان كان تعذيب المحبين مكتوب
على عذاب الحب ربي يعيني




بشرب من الدله لو كلها سم
ماهز فنجالك ولا قول لك كافي
مدام من يمناك وتقولي سم
بسم الله اشرب كل سمك عوافي




ان كنت تشكي جرح ينزف ولا طاب
انا جروحي ما لقت دم فيني ..!




بعض العرب لا صار له حاجة جاك
لو هو مـــريــــــض ما تشيله عظامه
ولا من قضى حاجته صــــــد خلاك
ينساك من ساعة تــحــقــق مــرامــه
وإن جابته صدفة بدربك..تــحــاشـــــاك
يــبــــخـــــل ولو حتى عليك الــــســلامـــة




تضيع الناس بالدنيا وشخصك بالنظر ماضاع
أعزك من صميم القلب وتشهد كل نبضاته




هذي دروب الحب والحب سلطان
يامر علي وكني اصغر اخوانه
لا يبعد كل الطوايف والاوطان
اقطع وريدي لو نبض بالخيــــــانه
حبك ثبت في خافقي ساس واركان
عن حب غيرك كن عندي حصانه




حبيبي بسألك ليه الهوي منك وفيك
ليه المشاعر ما تعيش الا بساعة شوفتك
ليه المحبه والوفا وأبيات شعري تهتويك
ليه أنت وبس اللي اموت ببسمتك
تدري لو مره أقول أني كرهتك ما أبيك
يرجع علي صوت الصدا يقول الله "ما أكبر كذبتك "




يا ناس وين اللي يفيد المحبين
يشفق على قلبن تحسر بدنياه
قلبي عشق بالحب ناس مقفين
ولا له حياتن عقبهم كيف نقواه
ابغى الحبايب..والحبايب بعيدين
اللي عليهم يصرخ القلب ويلاه




بعض الغلا يا خذ له ايام ويروح
وبعض الغلا يا خذ له سنين ما راح
وبعض الغلا متمكن داخل الروح
ما ينمحي لو جاه نزاع الارواح
وانا غلاي ما يبي شرح ووضوح
غلاك حقيقي دون تمثيل ومزاح

المواضيع المتشابهه:

رد مع اقتباس
إضافة رد

الكلمات الدلالية (Tags)
الغياب, اشعار, عتاب, عبارات, غياب, وغياب, كلام


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

Privacy Policy سياسة الخصوصية |

free counters

Sitemap

الساعة الآن 02:57 AM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.

Security team