منتديات احباب عرب  



العودة   منتديات احباب عرب > منتديات عربية > منتديات المغرب



حصري نمر الصحراء أسد الصحراء ذئب الصحراء تعددت الألقاب والاسم واحد تويوتا فورتشنر

هذا الموضوع اهداء مني الى جميع ملاك الفورتشنر والى اعضاء منتدى تويوتا العربية الغالين في بداية الموضوع أحب أن أوضح أن هذا الموضوع هو خلاصة تجربة في استخدام

إضافة رد
 
LinkBack أدوات الموضوع انواع عرض الموضوع
  #1  
قديم 08-01-2012, 10:04 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 50
حمد السوداني is on a distinguished road
موضوع منقول حصري نمر الصحراء أسد الصحراء ذئب الصحراء تعددت الألقاب والاسم واحد تويوتا فورتشنر

هذا الموضوع اهداء مني الى جميع ملاك الفورتشنر والى اعضاء منتدى تويوتا العربية الغالين


في بداية الموضوع أحب أن أوضح أن هذا الموضوع هو خلاصة تجربة في استخدام تويوتا فورتشنر 2007 من وكالة الفطيم الامارتية ذو الستة اسلندرات دبل مع دوفلوك.


لا أدري من أين أبدا أو من أين أسرد الحكاية الجميلة الرائعة فالأسطورة الحقيقة على الطرقات

الممهدة والوعرة وعلى خطوط السفر تويوتا فورتشنر ماهي الا معادلة صعبة ورقم حقيقي تم

تحقيقه لاتكاد تصدق ما يحكى عنه الا عندما تجرب بنفسك تلك المرونة المعززة بقوة جبارة ممزوجة

براحة هادئة مرصعة بأجمل ثبات على الطريق تلبي نداءك عند حاجتك لها .

تويوتا فورتشنر أصالة وعراقة وصلابة وقوة ومتانة وروعة منظر لامثيل لها .



انتهت من مقدمتي التي أقل مايمكنني أن أعبر به عن إعجابي اللامتناهي بهذه السيارة الصلبة القوية.



في البداية أتمنى من الجميع أن يتحملني في أسلوب سردي لأنني سوف أسرد تجربتي على

شكل فقرات منفصلة وأسأل المولى العلي القدير أن ينفع بموضوعي هذا جميع ملاك الأسطورة

الفورتشنر أو من يفكر في امتلاكها .



كما قلت سابقا سيارتي هي فورتشنر موديل 2007 اشتريتها من معرض متخصص في استيراد

السيارت الاماراتية بالشفاء ولا أحد يسألني لماذا أخذت الفطيمي ولم تأخذ السعودي راح أرد

ببساطة وأقول شف الفطيمي الأول وراح تعرف ليش أخذته.



الفرق بين الفطيمي والسعودي

الفطيمي حساسات السيارة الخلفية اللي على الصدام تجي بنفس لون السيارة اما السعودي

جميل فياتي باللون الاسود مهما كان لون السيارة .

الفطيمي يجي الاشارات اللي على المرايات ليد وبعرض النيكل اللي على المرايه اما السعودي

جميل ياتي زجاج اسود وصغير.

الفطيمي يجي تخشيب شد بلد كامل للمسجل والمكيفات وللديكون اللي على الابواب اما

السعودي جميل فياتي نص تخشيب على المكيفات مو كامل .

الفطيمي ياتي فيه شاشة معلومات كاملة في فئة الــــVX1 و الـــVX2

اما السعودي شاشة المعلومات تاتي فقط في الـــVX2



أصحاب الـــــ Gx1 و الــــ GX2 أقولهم الله يبارك لكم في مواتركم ولكن مواتر الاربعة سلندر لاتغني

ولاتسمن من جوع في أي مكان



ملاحظة / سيارتكم ماتعدي 160 كليومتر وللتأكد يقدر أي شخص يسأل أي موظف في وكالة عبداللطيف جميل .


بالنسبة للستة سلندر ينشد فيه الظهر سواء بدبل او بدون دبل
سواء جير عادي او اوتوماتيك .

سؤال1/ فورتشنر اخذ ستة سلندر او اربعة ؟
اذا كنت من هواة البر والتطعيس والهاف مون بالشرقية طبعا اكيد انصحك بالستة اسلندر اما اذا كنت تستخدمه في المدن والخطوط ولا انت راعي بر او شي من هالقبيل الاربعة سلندر يمشي الحال.


سؤال2/ فورتشنر اخذ اتوماتيك او عايدي ؟
الصراحة انا استغرب من اللي يقول خذ العايدي لانه ينفعك في الطعوس والبر وهنا احب اني انبه الجميع الى ان هذه المعلومه ما هي صحيحة ميه في المية نعم العايدي اول ما يطلع من الوكالة يكون نشيط جدا ولكن لو اختبرناه بعد فتره عشرة أشهر مع اوتوماتيك راح تحس انه مافي فرق ابد لانه يضعف عزمه بدرجة بسيطة مع مرور الوقت ويتساوى في عزمه مع الاتوماتيك فلذلك أنصح الجميع بالأتوماتيك .



سؤال3/ فورتشنر سته سلندر أخذه بدبل أو بدون ؟
أكيد خذه بدبل لانه صراحة 6سلندر+ دبل = قوة جبارة لامتناهية.



سؤال4/ فورتشنر أربعة سلندر أخذه عايدي أو أوتوماتيك؟
أوتوماتيك .



سؤال5/ فورتشنر أربعة سلندر أخذه بدبل أو بدون ؟
طبعا زي ماقلت في البداية الاربعة سلندر ضعيفة وبالتالي ماراح تتحمل المكينه استخدام الدبل ... راح يجي واحد ويقول ياحبيبي المصنع مصنع السيارة فيها دبل يعني انت تفهم اكثر منهم ... راح اقوله لا ولكن هذي الفئات المختلفة عشان اغراض التسويق وعشان تخرب منك السيارة وتشتري قطع غيار وعشان بعد فترة تبيع الموتر وتاخذ واحد ثاني صح ولى لا والدليل ليش وقفوا تصنيع الكرسيدا والفورد .


سؤال6/ فورتشنر سته اسلندر اخذه فل كامل مراتب جلد فئة VX2 أو أخذ نص فل مراتب مخمل فئة VX1 ؟
بالنسبة للفل كامل والنص فل الفرق الوحيد هو شاشة المعلومات والمراتب وممكن تاخذ مراتب مخمل نص فل وتلبسها جلد بـــ450 ريال من السماعيل في الغرابي.



سؤال7/ في ناس تقول ان الفورتشنر مو راسي على الخط ؟
اقولهم لاتاخذ بأقوال الناس الناس تقول أشياء كثير بس أيهم اللي كلامه صحيح جرب الموتر واحكم بنفسك وعن تجربة شخصية سفراتي للشرقية والافلاج والخرج والدلم والحوطة وشقراء والمزاحمية الموتر قمة في الرساوة.



سؤال8/ في ناس تقول ان الموتر ينقلب بسرعة وياكثره في التشاليح من القلبات؟
راح اقول وعن تجربة شخصية أيضا وانا رايح للحوطة فيه على طريق الخرج تاخذ المخرج يمين ثم تمشي مسافة طويلة حتي يجيك الدلم سيده والحوطة يمين لما تاخذ يمين للحوطة الكل يعرف اللي يمر من هناك ان الطريق لفته قويه انا اخذتها في احد المرات على 120 كليومتر والموتر الحمد لله ما انقلب ... وكثرة الموتر في التشاليح من الحوادث السرعة والانشغال والاستهتار وهذا قضاء وقدر من رب العالمين الله يحفظنا والمسلمين أجمعين .


سؤال9/ تنصحني احط حماية عازلة على بدي السيارة من العج والغبار ؟
نعم أنصح الجميع وبكل قوة .



سؤال10/ ماهو ضغط الكفرات المناسب للفورتشنر؟
30 PSI .



سؤال11/ أحط بنزين 91 او 95 ؟
بالنسبة للوكالة يقولون حط 91 بس الصراحة ماقتنعت نهائيا بذلك مع العلم ان قبل مايصير فيه 91 و 95 كانت كل الناس تحط بنزين احمر اللي هو 95 فلذلك انصح ملاك الاربعة سلندر بــ91 اما ملاك الستة سلندر أنصحهم بـــ 95 لانه اللي راح يستخدم 91 ماراح يحصل على كامل قوة المكينه في العزم .


سؤال12/ ماهو أفضل زيت للمكينة ؟
أفضل زيت اما زيت تويوتا الاصلي وهذا تشتريه من الوكالة أو الترا 7 بترومين .



سؤال13/ المكينه كم تاخذ علبة زيت ؟
بالنسبة للستة سلندر مع السيفون ( فلتر الزيت ) ست علب وستمائة مل
6.600 مل
أما اذا بدون سيفون فراح ياخذ 5.200 مل خمس علب ومئتين مل.
اما الاربعة سلندر فليس لدي علم عنها .


سؤال14/ هل تحتاج السيارة الى تسخين ؟
عندما تشغل السيارة الصبح في الصيف انتظر حتى تختفي كل العلامات في الطبلون او انتظر حتى يختفي صوت الانذار فعندما يختفي الصوت معناه ان الزيت نزل في المكينه ولكن اتركها دقيقة واحدة فقط وبعد ذلك تحرك بها بهدوء لمده دقيتين الى ثلاث دقائق اما في الشتاء فاتركها تسخن حتى 3 دقائق بدون ما تحرك السيارة وبعدها تحرك بهدوء ايضا لمده 3 دقائق .
تنيه خطير/ البعض يكون مستعجل فينزل للبقالة ويطفي السيارة ثم يعود ويشغل السيارة ويمشي قبل ان يختفي صوت الانذار وهذا يؤدي الى تلفيات في مكينة السيارة وقد تصاب باعطال دائما لا تتحرك بالسيارة الا بعد اختفاء صوت الانذار.



سؤال15/ البعض يقول ان تغير زيوت الدفرنسات يسبب مشاكل بالسيارة؟
اقولهم وعن تجربة شخصية مافي أي مشاكل تحدث عن تغيير زيوت الدفرنسات بشرط انك تغييرها بالوكالة اما اذا غيرتها خارج الوكالة راح تحدث مشاكل بسبب ان هناك عمالة في الورش مايهمونهم غير الفلوس وبس ولكن مايدري وش الطريقة الصحيحة لتغيير هذه الزيوت.



سؤال16/ البعض يقول راح اغير زيت الجير خارج الوكالة ماراح يؤثر في السيارة؟
اقول ايضا الجير شي حساس ومهم في السيارة فلا تغامر وتغير زيته خارج الوكالة تلافيا لاي مشاكل قد تحدث .


تنيبه خطير/ بعد أي تغير زيوت تقوم به في الوكالة ضع السيارة على سطح مستوى ويكون نظيف حوش بيت حوش استراحة لمدة ساعة ثم تأكد أنه لايوجد أي تهريب من أي مكان أسفل السيارة .



سؤال17/ معنى كذا اني اقوم بتغيير زيت الماكينه بعد في الوكالة ؟
لا لانه تغيير زيت الماكينه لايتطلب خبره معينه او مهاره معينه انما أي شخص فاهم يستطيع تغيير زيت الماكينه اهم شي انه يكون عنده خبرة وفاهم هو وش يسوي .



سؤال18/ كل كم كيلو اغير زيت الماكينه ؟
في الصيف كل 3000 كيلو متر ولايوجد مشكله اذا غيرت على 3500 لكن لاتحاول انك تغيير على اكثر من كذا لانه الحرارة عندنا عاليا جدا وفي الشتاء تغيير الزيت يكون على 5000 كيلومتر.



سؤال19/ كل كم كيلو اغير زيت الجير ؟
اول مرة راح تغيره على 80 الف كيلو وبعد كذا كل 40 الف يعني او مرة 80 الف ثم 120 الف ثم 160 الف ثم 200 الف وهكذا .



سؤال20/ كل كم كيلو اغير زيوت الدفرنسات ؟ .
نفس زيت الجير 80 ثم 120 ثم 160 وهكذا .



سؤال21/ الفحمات الامامية كل كم كيلو اغيرها ؟
بالنسبة للفحمات تختلف من شخص الى اخر على حسب الاستهلاك واستخدام السيارة ولكن انا اغيرها كل 30 او 35 الف كيلو لان رجلي حارة شوي على الفرامل وكذالك استخدامي كثير ولكن الطبيعي شيك عليها كل 40 الف كيلو واذا تحتاج تغيير غيرها والفحمات عموما يتم تغيرها مرتين في السنة يعني مرة كل ستة أشهر .



سؤال22/ الفحمات الخلفية كل كم كيلو اغيرها ؟
الطبيعي انك تغييرها كل 80 الف يعني مرة في السنة ولكن شيك عليها كل 60 الف وشف اذا تحتاج تغير او لا.



سؤال23/ كيف استخدم الدبل في البر؟
اول شي لازم قبل ماتدخل البر تنسم الكفرات على 20 او 15 ثم بعد ذلك تشغل الدبل الخفيف وتمشي به
اما اذا غرزت حطه بالاول اللي هو حرف ال في الجير وشغل الدبل الثقيل ثم الدفلوك وخل الطاره جهة اليمين ثم ادعس بنزين بهدوء وان شاء الله راح يطلع الموتر
اما بالنسبة للرقيات طعس او طلعة حطه بالثالث بدون دبل او شغل الخفيف
اما اذا راح تتمشى في البر لاتستعمل حرف الدي ولكن استخدم الجير بالتسلسل يعني حرف ال ثم 2 ثم 3 ثم 4 وهكذا واذا ضعف العزم رجعه نمره للخلف يعني لو انا ماشي على 3 وضعف العزم ارجعة الى 2 .



سؤال24/ هل سحب المواتر في البر او القلص او اطلع موتر من غرزة يؤثر على موتري؟
ابدا مايؤثر بشرط انك ما تسحب الموتر بقوة ولكن بهدوء وروية حبه حبه اما شغل القوة والعباطة هذا اكيد يؤثر سلبا على الموتر.



تنبيه خطير/ الحمد لله مره طلعت واحد بالشرقية من غرزته بدون واير دفيته دف بموتري لانه ماكان معي واير او احبل .



سؤال25/ اذا وقفت في الاشارة احط الجير على حرف دي وادعس فرامل ولى احطه على حرف N واسحب جلنط ؟
اكيد حطه على N واسحب جلنط.



سؤال26/ الجلنط احيانا اسحبه ومايمسك مالسبب؟
السبب انه يكون فاضي يعني لازم كل فتره تروح تخلي عامل الورشة يشد الجلنط.



سؤال27/ ماهو افضل ماء استخدمه للرديتر؟
افضل ماء هو ماء رديتر طويل الاجل من تويوتا الوكالة بــ40 ريال ولا أنصح أي احد يحط ماء الرديتر أبوعشرة ريال اللي ينباع في المحطات لانه يؤثر سلبا على تبريد المكينة والرديتر.



سؤال28/ اركب دعاميات على السيارة ولى لا؟

والله هذا شي راجع لكل شخص ولكن انا انصح بشدة انك تركب دعامية على الصدام الخلفي لانك ما تقدر تحكم على سواقة اللي وراك اذا بيصدمك موتره اللي بيتضرر مو انت .



سؤال29/ هل اغير السيفون في كل مرة اغير فيها زيت المكينة؟
طبعا كل واحد وراحته ولكن انا اشوف مرة غير زيت مع السيفون والمرة الثانية غير زيت بدون السيفون هذا افضل .



سؤال30/ هل استخدام مثبت السرعة يؤثر سلبا على المكينة؟
طبعا استخدام مثبت السرعة لفترة طويلة يؤثر سلبا على مكينة السيارة ولكن انصح من يستخدم مثبت السرعة انه يغير السرعة اللي يمشي عليها كل 10 دقايق او 15 دقيقة الى سرعة اقل او اعلى .



سؤال31/ لما اسافر وش افضل تغبيرة احمي فيها بدي السيارة؟
طبعا في التغبيرة اللي في محلات الزينه اللي تجي اسود وبيج هذه تعدم بويه السيارة ولكن انا من وجهة نظري افضل شي تحافظ فيه على بدي السيارة هو الفيري ولكن لا تخليه اكثر من 3 ايام على البدي.



سؤال32/ في ناس يقولون لما تغيير البطارية تحتاج برمجه ؟
الكلام هذا غير صحيح انا فضت علي البطارية وغيرتها ولا برمجتها ولا شي ولافيه أي تغيير ولكن وين المشكلة المشكلة انك لما تغيير البطارية لاتاخذ بطارية اضعف من البطارية اللي راكبة على السيارة هي اللي تسبب الخلل هذا وانا غيرت بطارية باناسونيك بــ300 ريال كوري مرة ممتازة.



سؤال33/ في بعض الناس يروحون يفكون الدبل المستمر عند البنشري في ورشة عشان يصير الموتر دفع خلفي مو دفع رباعي هل يؤثر على الموتر؟
طبعا أي تعديل ميكانيكي على الموتر يؤثر سلبا بكل تاكيد وانا اقول اللي راح يفك الدبل عند البنشري انك افقدت موترك عذريته وسامحوني على هذه الكلمه ليش يكون عندي دفع رباعي مستمر هو سبب رساوة وقوة الموتر واروح افكه بعشرين ريال عند هندي مايدري شي وبعدين ماراح تقدرانك ترجعه ثاني مرة ولو تطير لكن هناك طريقة شفتها في موضوع احد الاخوان صلحها في ورشه وهو انه يقدر يتحكم بفصل الدفع الرباعي ويرجعة وانا بعد ما احبذ هذه ان احد يسويها.



س34/ الفورتشنر مرة ممتاز بس يعيبه عدم كبر الشنطة وش تنصح سيارة في نفس مواصفات الفورتشنر بس بشنطة اكبر؟
بكل تاكيد الوحش البري سيكويا




ختاما أتمنى اني اكون قدمت معلومة جديدة ومفيدة للجميع


اتمنى من الجميع الدعاء لي بظهر الغيب


ورجاء أي احد بينقل الموضوع يذكر المصدر لاني تعبت على الموضوع وجلست 3 ايام وانا اكتب الموضوع

انا حاضر لاي استفسار بس ياريت تكتبوا الاسئلة باللون الاحمر
وفي خلال 24 ساعة راح ارد على استفساراتكم جميعا بلا استثناء


محبكم عاشق الفورتشنر

القــــاتــــــل الصــــــامـــــــــــت

تحياتي للجميع


ان أخطأت فمني ومن الشيطان وإن أصبت فمن الله وحده


المواضيع المتشابهه:

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


Privacy Policy سياسة الخصوصية |

free counters

Sitemap

الساعة الآن 05:46 AM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.
SEO by vBSEO

Security team