خاص ب [الانتباهة]
في حديث إستثنائي للفريق ياسر العطا في مقابلة له مع صحيفة الشرق الاوسط رصدته صحيفة (متاريس) الالكترونية اليوم الخميس
ان الفريق ….
شن هجوما عنيفا على المتمرد حميدتي وقواته واصفا إياه ب (اكبر كارثة انسانية تحل بالسودان)
وقال ان …
زوال هذا السرطان والوباء هو اكبر انتصار للثورة
والفريق قال ….
ان تاخر إقالة المتمرد حميدتي لانها تتطلب اجتماع مجلس السيادة وستتم هذا مع اول اجتماع
والفريق يقول (مش كده وبس)
بل …
سيتم فتح بلاغات ضده وتجريده من رتبته العسكرية وتقديمه للمحاكمة بتهمة الخيانة العظمى !
و أضيف من عندي يا جماعة جملة …
(لو كان عايش)
ثم مضى سعادة الفريق ياسر
الزول الكلس (حفظهو الله وابقاهو) برضو قائلا ….
إن الحديث عن ان حرب حميدتي هي ضد الكيزان في اشارة منه لكلام (القحاطة) هذه الايام إنما هو (فزٌاعة) يستخدمها المجرم لصالح دول شقيقة تقف ضد الاسلام السياسي من غير ان يسميها
(لكن انا فهمت غايتو)
وهذه (الفزٌاعة) ايضا تستخدمها (قحت) لمن يخالفونها الرأي !
المتأمل لكلام الفريق يفهم (تمامن) ان اللغة قد تغيرت وليس هناك (طبطبة) بعد اليوم وكل شئ سيسمى باسمه (الخلقو بيهو الله) يعني العميل عميل والوطني وطني
(فهمتا علي) ؟
اما بخصوص الإطاري (مقطوع الطاري)
فقال ليك ان ….
تنفيذه سيتم بإتفاق القوى السياسية دون اقصاء او تلاعب
يعني المرة دي مافي حاجة اسمها (إلا …. البتاع داك)
واكد سعادتو …
ان الاطاري القديم كان قد تم تصميمه لخدمة (قحت) للانفراد بالحكم !
يعني بإختصار كده …
(الجياشة ديل) كانوا عارفين ااااي حاجة في البلد دي لكن تماهوا مع العملاء والمتربصين من العالم الخارجي لغاية ما أدخلوهم الميس جميعا
وتاني عينك ما تشوف الا النور اللي نحن شايفنو ده
طيب يا سعادتك …
اذا لم يحدث اتفاق شااامل دون إقصاء لاحد؟
قال ليك ….
سيتم تعيين حكومة تصريف اعمال لمدة سنتين تعقبها انتخابات)
بسس …
قررط لي هنا ياسعادتك
ياهو ده الحل
(ابوس ايدك)
كفاية تجارب
الشعب جاع ومرض ومات
واضيف ليك من عندي كمان
(ويتم تعينها بمعرفة الجيش وحده ولا يستشار فيها اي ملكي
كائنا من كان) .
