مسؤلي محلية الخرطوم جميعا أنا ما متلحاكم كما نقول ب الدراجي ، لكن لأني أسكن ف هذه المحليه التي كانت راقيه وأعرفها جيدا وأعرف ما يسمى ب الكشه من أيام كشة الموز والبرتقال والعنب والتفاح والرمان دا غير البضائع الأخرى بحجة الفِرِشه الذين يغلقون الشارع أو الطريق . هؤلإء يعولون أُسر وعوائل بعض الفريشه ترك المدرسه والدراسه من أجل اسرته التي مات عائلها ومريض طريح الفراش هؤلإء الفريشه الحمدلله لم يمتهنو السرقه أو النشل أو النط ب الحيطه ف الساعات الأولى من الصباح .
ألا لديكم طريقه أو عمل غيرهم ؟ اتركوهم يسترزقون بالحلال بدل الحرمنه ، وأنظروا للنواحي الصحيه النواحي التعليميه ب قيادة الولايه وطبعاً واليها الهمام الاستاذ احمد عثمان حمزه ف المقدمه ليتك أخي الوالي تزور السوق المركزي أو سوق الخرطوم عفواً أقصد موقف جاكسون ، سترى الذين يزحمون أو يسدون الشارع هي الحافلات أي المواصلات المابهمها تقيف ف اييي مكان عشان ترفع أو تنزل زول ومافي زول بقول ليها ( ف) . الأيام دي الأخ الوالي لا تخفى عليكم الضائقه المعيشيه الحاااااده ، اتركو الفريشه لزمن آخر وركزوا ع الأهم ، صدقوني دعوات البسطاء المحتاجين الغضبانين تعيق العمل وتبرجلو كمان اتركوهم وركزوا ع الأهم ، وربنا يعينكم .
