اسعار العملات

بابكر سلك يكتب: جبل عامر


 

*أخيراً أطلق جهاز كشف الذهب صافرته معلناً عن وجود ذهب صاااااافي تلاتة كيلو .

*ماصفر في جبل عامر.

*ولا بصحاري أبو حمد.

*ولا على الطائرات الروسية .

*ولا في سفرية عبر مطار الخرطوم.

*ولا صفر بعمارة الذهب ولابسوق دبي للذهب.

*صفر بالبنك الإسلامي المجيد.

*نقلت الأخبار الفرح للأمة المريخية .

*قالوا كأس دبي الذهبي إتلقى.

*كاسنا عرق جبين .

*فزنا بيهو بعد تخطي الزمالك بكامل نجومه.

*عكسية عوض الله أنور وهدف عاطف منصور واستبسال بريمة ورفاقه من الجيل الجوي.

*وللذكرى لعب الهلال ضد الأهلي قبلنا بحوالي شهرين وعلى نفس الأرض وكانت النتيجة جوز لايخسر.

*وقتها كان الهلال خاسراً من نفس الأهلي برضو جوز.

*ودورت مكنة لاراش وما أدراك ما لاراش.

*فكانت المواجهة التي أثبتت براءة لاراش.

*وجينا .

*جينا نحنا وحملنا الذهب.

*خمسة وتلتين سنة دهبنا ما لاقنو .

*قلنا يمكن في روسيا؟.

*أو يكون مرق عبر مطار الخرطوم على عينك ياتاجر وقد يكون مرق على متن طائراتنا .

*وقد يكون إتلحس.

*وقد نكون بعناهو لتغطية منصرفات معسكر.

*بنعملها .

*ولكن صفر الحبيب حسن إدريس.

*صفر جهاز الدهب.

*وقال دهبكم هنا .

*في الحفظ والصون.

*أيها الناس.

*رأيكم شنو نبيعو ونأهل استادنا بي حقنا.

*برا من برا أذى برا طنقعة برا رفع نخرة.

*المهم.

*ردود الأفعال جراء التسجيلات الرئاسية المسربة لسسسة مشعللة.

*وحازم قال حايجيب عاليها واطيها إذا في حاجات كدة مرقها.

*أمرقها ياريس.

*هشتكنا وبشتكنا ياريس .

*هو نحنا بنعرف أكتر من الحكومة؟.

*وأنت خايف من حد؟.

*قول ياعمي قول.

*زمن الغتغته والدسديس إنتهى.

*قول إن شاء تمطر حصو.

*هشتكنا وبشتكنا ياريس.

*قول إن شاء تمطر بدون براق.

*قول ياحبيبي قول.

*فالشفافية آخر ماتبقى لك من فرص الإدارة.

*قول ياحبيبي قول.

*قول.

*يعني أكتر من القلتو في طيفور.

*طيفور ود السرور.

*زول أمو خريجة جامعة الخرطوم.

*وعندها دكتوراه.

*وماشغالة في أمريكا غسيل قروش أو في محل بيتزا

*شغالة بشهاداتها وفهمها وفكرها.

*أما أبوهو فأسكت بس .

*أنت تخرس خالص.

*قول ياحبيبي قول.

*قول تحت شعار عليا وعلى أعدائي.

*مسكين المريخ والله.

*أيها الناس.

*إن تنصروا الله ينصركم.

*أها.

*نجي لي شمارات والي الخرتوم.

*كان شفت يا والينا .

*رسوم النفايات مع الكهربا دايرين يختوها لينا.

*كان ماجات العربية وشلنا نفاياتنا على مكاتب الكهربا عندهم مكان لينا؟.

سلك كهربا

ننساك كيف والكلب قال فكرة النفايات مع الكهربا فكرة متطورة لأنو في الدول المتقدمة بطلعوا الكهربا من النفايات….سير سير يا جبريل.

وإلى لقاء.

سلك

 



المصدر من هنا

زر الذهاب إلى الأعلى