اسعار العملات

بابكر سلك يكتب: أطمأنينا على سانت جورج


 

*ولأننا ننظر دائماً للجزء الملئ من الكوب.

*خرجنا من وديتنا ضد سانت جورج.

*مطمئنين على سانت جورج.

*هي إعداد ونحن في أول عتباته.

*وسانت جورج فات المرحلة دي زمان.

*وجه إطمئنانناً علي سانت جورج.

*تمثل في سرعة آداء الأحباش .

*طيارات بس.

*الحبش ديل إلا حجارة من سجيل.

*لكن حجارة أم در مابتسوي ليهم شي.

*كنترول وآداء جماعي.

*تكتيك زي مكنة العربية.

*يطلعن بستمين ينزلن البستمين التانيات.

*يفتحن بلفين عادم.

*ويقفلن بلفين بنزين.

*ويفتحن التانيات وتنطلق السيارة.

*في جماعة كدة حايشوفوا إنطلاقة صاح.

*إنطلاقة حبش من أمها.

*ويمتاز أشقاؤنا الحبش بتلك الإنطلاقات والسرعات الخيالية.

*أسألوا ناس إتحاد ألعاب القوي وناس المارثون.

*ويايوم بكرة ماتسرع تخفف ليا نار وجدي.

*أيها الناس

*أثق لي جهازنا الفني وفي إمكانيات أولادنا.

*وكلي ثقة بالفريق الجيبوتي.

*ولعل القرعة السنة دي مافيها(شطة).

*عشان كده في ناس كدة بدت ليهم بالعضم.

*تخليهو تموت بالجوع.

*تأكلو تخنق.

*ولعل التمهيدي في هذا العام سيعلن مبكراً عن المحاولة رقم مية.

*أيها الناس.

*الإعداد بتدرج

*من فرق ضعيفة لمتوسطة لقوية.

*وقصة نبدأ مع فريق قوي دي غير علمية.

*وحقو كان نكلم الغرايري نقول ليهو قبل كده لعبنا ضد بايرن ميونخ وشالكا في الإعداد.

*وجينا طرنا من التمهيدي في استاد الخرطوم بالهزيمة من الفريق اليوغندي أتنين.

*لكن نحنا مابنعرف أكتر من الحكومة.

*وقد يكون سبب الخسارة الحبية هو غياب العناصر الأساسية مع المنتخب.

*وقد يكون أي شي.

*إلا الطيران من التمهيدي.

*كلموا التونسي ده بالكلام.

*ولا أعني بالتونسي الغرايري ولا النفطي.

*ولكني أعني الطرف الطويل ده أقصد الطرف اليمين ده.

*المهم

*كسبنا استئناف تيري.

*وكسبنا استئناف فاركو.

*وفي الطريق استئناف الصيني وقروش العليقي.

*وده في حد ذاتو أحسن استثمار في اللاعبين وأفيد طريق لأموال (المتلاعبين) والمستفيد أولاً وأخيراً المريخ.

*عامل كيف.

*مييييية .

*أيها الناس.

*أن تنصروا الله ينصركم.

*أها .

*نجي لي شمارات والي الخرتوم.

*كان شفت ياوالينا.

*حكومتك ولا شغاله بينا.

*لابنكك نحنا من ناسو ولاتنكك في زول بدينا.

سلك كهربا

ننساك كيف والكلب قال أسي الضبان الكتير ده يعيش كيف مع فلسكم ده؟

وإلى لقاء.

سلك

 



المصدر من هنا

زر الذهاب إلى الأعلى