اجمل رسائل الواتساب

  #1 (permalink)  
قديم 03-17-2012, 05:11 PM
الصورة الرمزية حمد السوداني
حمد السوداني غير متواجد حالياً
 
تاريخ التسجيل: Dec 2011
المشاركات: 44,695
معدل تقييم المستوى: 49
حمد السوداني is on a distinguished road
موضوع منقول طعـس ووصلت لي امريكآ!ً,


1-
لا اخفي عليكم اني كنت انسان طعس والطعاسه ماليتني الين ماغصييت و الحسنة الوحده اللي اشوفها فيني حلوه واتفاخر فيها ان كمية الطعاسه فيني الف بالمية اعلا من تركيز عطر قوتشي وهذا اللي خلاني اشوف خشتي على اخوياي الطعوس .. واشك ان كلمة ( طعس) ماكانت موجوده قبل إليين مانقطع سري ب أحد الطعوس يوم ان امي مخيمة و ولدت فوق طعس ومن هنا انطلقت كلمة الطعاسه


:75:

2-
للطعاسه اشكال كثيره وانا كانت فيني كل معاني الطعاسه ولو يسوون جائزة نوبل للطعاسه راح اخذها بجداره :14:

,,

3- ( قالو امريكا ) :14:

يوم من الأيام كنت متربع بالحوش واتتقهوى الصبحيّه لحالي انا والعصافير واعد اوراق الشجر للامانه كنت انا وجعيفر شيطاني جلس يسألني يقول عاجبك وضعك كذا ؟ قلت هاه ؟ قال ياخوي روح ادرس برا بامريكا خلني اكبر بعين ابليس لا دشرتك صح .. فجأه تخيلت نفسي بمشهد من واحد من الأفلام بشاطئ مفاصيخ واتشمس وفوقي مضله .. قال والله انك زلابه روح ادشر وشف الدنيا وعاشر الشقر واشرب من ذا النبيذ احسن من نبيذ ابو كلب اللي ناصبين عليك فيه .. صابين قطرتين غاز ببطل ومالينا مويه .. رح دور على شريكة حياتك ولدك جون الاشقر ابو عيون زرق ينتظرك

قلت طيب برب كنت اكلمه بي بي تخبرون التكنلوجيا وصرفته وجلست افكر اقول لمتى هالعيشه
صح ان عندي وظيفه مرموقه اللي هي اودي اخواني الصبح وارجعهم براتب ريالين احطه بحصالة النيدو واخبيها لليوم السود و واصل المرتبة العاشره من بين اخواني عند تقدير ابوي بس لمتى ؟

4-

تحمست حماس مو صاحي وصرت اتابع افلام كثير واتخيل نفسي مع جيمس بوند ولا بروس لي واهايط على اخواني واقول بكره تشوفوني معهم بس سوو انكم ماتعرفوني لاشفتوني وانا اسوي حركات امي تقول عيب ياويلكم ان ماغيرتو القناه .. ولا جا شي يبيض الوجه تفقيع وجيه ولا اني اساعد بنت اوباما انشروه و وروه جماعتنا ولاتنسون شلة السمرمد حقين الحاره علشان يدرون اني قوي

5- ( قبل المطار )

صح ان فيني كمية طعاسه بس اني على نياتي وشحليلي وبسرعه اتأثر لدرجه ان رحت المطار وانا لابس نظاره شمسيه علشان مايشوفون دميعاتي كنت مدري الحياة شلون قايله هناك :14:

6- ( في الطياره )

اشغلت دين دينهم ماغير اتفلت واقوم اصبر مع الشباك كود اشوف صلعة وحيمر ولد خالتي تلمع من انعكاس الشمس . وغثيت ام المضيفات كل ما مرو ادنق واحاول اشوف اللي تحت التنوره سروال خط البلده ولا هيلا هوب ولا كذا لون سيقانها :14:
7- ( اول ماطبيت امريكا) :14:

اول ماطبيت امريكا جتني صدمه حضاريه انسان عايش على تغطو يابنات والتنحنح وصب القهوه ياولد حسيت اني انصفقت على وجهي انا بحلم ولا علم اقلب رويسي بالمطار وامشي وانا فاتح فمي وتجمع كل الذبان على فمي من ريحة الخياس .. واقول وين الهيئة عنهم وين الجموس وامر على محل واشوف انواع البطول ومكان التدخين اغلبه بنات واقول بنفسي العن ام الدشره ياشيخ وفجأه حسيت اني تفتحت واقول من حقوق المرأه ان يحطون لهم ساحة تدخين بالعويس ولا حجاب وتعوذت من الشيطان ودريت انه جعيفر يغني لي ناوي ل على نيه بس انت اصبر شويه :14:وشفت كفي على الارض جلست اشوته برجولي ( العادات والتقاليد )

8-

كنت على نياتي لاشفت بنت طالع نص بطنها ولا الجزء الخلفي ولا لبستن قصير احاول اني ما اطالع فيها وانزل عيوني تحت وقبل ادخل محل لاكانو فيه بنات ما احاول احتك جسديًا فيهم لاكان زحمه ولا اراديًا تطلع مني كلمة تغطو يابنات :14:


9-

كنت راقي بالدرج الكهربائي وارقاه برجولي وكانو فيه ثنين يتخمخون وكنت انتظر القناه تتغير ولا يجي تشويش ولا دعاية القناة السعوديه الاولى بس النقل مباشر :14: فهيت واضغطو ستوب وطالع فيني الححّحمر ( كلهم حمران عطران ينعن شكلهم انا الوحيد اللي شعري اسود :d) قال واتسّاب قلت هاه الله حيه ونقزت بحب خشمه قلت يمكن انها زي ارحب ولا الله حيه وبغيت اقوله القهوه بس حسيت ان الوضع فيه عيد وبغيت اسويها بمكاني :14:

10 -

بعد فتره اخذتني الحمية شوي وكنت بدخل بعين كم وحده واقولها وين اخوانتس بس بعدين فهمت ان هذا سلمهم وقلت تعوذ من ابليس ولازم تعاصرهم وتعيش وتتأقلم معهم ولا شفت ثنين بالشارع قالبينها وشسمه انزل الجاكيت وارميه عليهم واقول استترو :14:

11-

جتني فتره كان العقل الباطني للتقبيل وغير قابل للاستيعاب بتات البته عاد انا من قبل اطلع كانو ينادوني يالفاهي لان ابراج مخي شابكه على كوكب زحل مو الارض .. جلست شهرين اتأقلم على الوضع وبعدها ولعت الاشاره الخضراء وقالت الدشره قو اهيد .. بس يبي لنا قيرل فريند بالبدايه امرها العصريه واباشر لها ونروح للسينما واسوي نفسي خايف واضمها وناكل فشار مع بعض :14:

12-

كانت فيه بنت يابانيه بالمعهد وجهها كأنه اكس او .. عيونها خط والخشم دائره كأنها اللي مع كونان مدري شسمها و مادري شلون قايل وجهها بس شهادة الحق انها املح من خداماتنا :14:وسنونها ذهب وكانت تحرق ال ام حق المقاولين وطلعت قرون وقلت لازم اثبت دشرتي واروح اذب وجهي عليها جيتها وقلت هاي قالت هاي وانا براطمي تصافق تبي تقول زيرو فايف فايف .. ابتسمت وقلت العن ام الفله ياشيخ متعودين يجينا كعب ولا شنطه تمشي مليونين تخبز وجهي وتعجن خشمي .. وحسيت اني بالطريق الصح :14:

13-
تعرفت عليها وصرنا نحرق تتن مع بعض واقولها ابوتس يوم كنتي صغيره يدري انتس تدخنين ويلعن سنسبيلس زي ابوي ولا لاء :14: .. كنت على النيه وماش لغه والخبط بيديني وتشطيح باللغه علشان اوصل الفكره .. واقولها سنونتس الذهبيه مركبتها من مستوصف الرضوان زي جدتي ولا لاء إلين مادخلنا مع بعض بالجو وحسيت اني طايح بالحب وما احد سما علي وصرت اسمع ريهانا ( هذي فنانه زي شيماء الشايب عندنا حقت جو وهل دموع ) صح ان ماتدري وش تقول بس اهم شي المشاعر والاحاسيس :14:

14-

بعد كم اسبوع شفتها تسولف مع شباب وانا اللي قلبي ثار علي من الغيره وعيوني طلعت شرار واذاني قلبت حطبتين وشعر راسي وقف وحمر وجههي .. وحطيت يدي على راسي بطلع العقال بس مالقيته وجيتها قلت منهم ذولا قالت ذولي فريند اعرفهم قلت وشو وانا اطشر سعابيل .. لاقيتنا انتي تعرفيني وتكلمين غيري وفاله الحجاج حركات الخرفنه ماتمشي علي تحسبيني كمخه .. ولا تدرين الشرهه علي واشوى ان ماشحنتلس جوالتس :14:

موضوع لمسابقة القسم هذآ :14:




رد مع اقتباس


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

خريطة خريطة المواضيع خريطة الاقسام

free counters

Sitemap


الساعة الآن 12:19 AM.


Powered by vBulletin™ Version 3.8.7
Copyright © 2016 vBulletin Solutions, Inc. All rights reserved.

Security team

Privacy Policy سياسة الخصوصية |