اجمل رسائل الواتساب

  #1 (permalink)  
قديم 08-27-2016, 06:35 AM
انفال غير متواجد حالياً
 
تاريخ التسجيل: Aug 2016
المشاركات: 9,207
معدل تقييم المستوى: 10
انفال is on a distinguished road
افتراضي قصائد مدح الامير سعود الفيصل , ابيات مدح الامير السعودي سعود الفيصل


مدح سعود الفيصل, عبارات مدح الامير سعود الفيصل, كلمات مدح وفخر سعود الفيصل , خواطر عن الامير سعود الفيصل, تغريدات عن الامير سعود الفيصل, اشعار فخر وعز الامير سعود الفيصل , اقوال سعود الفيصل , اقوال عن الامير سعود الفيصل , صور سعود الفيصل وزير الخارجية , قصيدة مدح سعود الفيصل وزير الخارجية, كلام عن سعود الفيصل

تعبت يوم ارتاحوا الناس
وريحتهم وقت المتاعب

غيرك ورى المقناص عساس
وغيرك ورى صدح الملاعب

وغيرك يتابع كذب الاحساس
مابين رعبوبه وكاعب

يالارطبون الشامخ الراس
.سقم ارطبونات المصاعب

نضرب بك الهابي وينحاس
.وتكشف دعاوي كل ناعب

يالفيصليّ العرق دساس
يانسل من حل التشاعب

يالدبلوماسي يا(دبل ماس)
.يامبعثر أوراق التلاعب

ماجور يالفيصل ولابأس
يالصعب في دنيا المصاعب.

ميداننا ثابت على الساس
لاصرت فالميدان ( لاعب )!



فخر الوطن عز الوطن كله سعود
الصارم اللي ماخضع بالسياسه
من هيبته ترجف حكومات وجنود
وفكره يدرّس بالسياسه دراسه
تشهد عليه بحنكته أربع عقود
وعهد الملوك اللي مضو بالرئاسه
ولليوم باقي أبيض الوجه ويذود
عن الوطن في كل حب وحماسه
إليا تكلم يرقب العالم شهود
يخشون من باسه..ومن قو باسه
يقدح برايه دون خوفٍ ومنقود
والراي من راسه..ولاذل راسه
كل المصاعب لاحضر صارت سهود
يحلها في حكمته والفراسه
وإليا وقف كل اللذي حوله قعود
من هيبته محدن وقف في قياسه
لو العرب تمشي على منهج سعود
ماكان نرجي من النصارى حراسه
ومبطي سمعنا بالمثل قول وردود
كلن تعوّد قوته من أساسه
أبوه قبله وقفته مالها حدود
الغرب كله لأجل الأسلام حاسه
يوم الدول خانت مواثيق وعهود
والكل يدعم لليهود بدساسه
قطع مداد النفط..والصلح مردود
وأعلن جهاد الفرض..والذل داسه
والله لو هو عاش لليوم موجود
سدنا على كل الدول بالسياسه





هذه القصيدة قالها الأمير خالد في أخيه الأمير سعود حين كان في المستشفى وهي بعنوان (سعود - بوح القصيدة) ويقول فيها سموه:

لابأس يا واحد من ألف من الناس
عداك ربي شر الأيام والبأس
يا سعود عباتك ويا سعود الاوطان
يا سعود ابن فيصل ويا رأس أبن رأس
ثلاثة ملوك لهم صرت ساعد
في خدمة الإسلام والدار والناس
يا ما رفعت الرأس في كل المحافل
وياما حسمت الرأي إذا غيرك أحتاس
أجهدت نفسك والجسم دون حدك
حدك بعيد يا رجل - ماله قياس
أخوي وأفخر بك عضيد ومسند
من فيحة الفيصل تشاربني الكأس
يفداك مرتاح الكلب وأجد اللوم
لاشارك البانين ولا حفر ساس
ماهي سوى ما بين هذا وهذاك
الله خلق ثم فرق بين الاجناس





حماة الدار

يامــير كل أفعالك أحـــاديث للــناس ***** ضـــرغـــام عـند النايبه يذكرونه
يالفيصلي يالحر يــا تاج للـــراس ***** خــطــابـــكم عصبة الأمم يكتبونه
ياسـعود فيهم جـن حــــاقد ووسواس ***** ديـــن الرشد والحق هـم يكرهونه
كــم مــؤتمر يا ميـــــر حاكوه للناس ***** يـــبــون خــيــر ابــلادنـا ينهبونه
ماعــاد للامه شـــعـــور ولا احساس ***** حـــتى احــرام القدس يستمهنونه
يامــالــكــم مــن شـدة الـراي والباس ***** يامـــيــر عـيب اهل الدنيه ولونه
صهــاينه والروم ومجـوس الانجاس ***** يـــبــون حـــتــى اثــارنا يطمسونه
عِــدو ربـاط الخيل طــيبات الاجناس ***** عــــدو رب الــبــيت تسترهبونه
امــة العرب بين الامم صابها افلاس ***** صــفــران ولد العايبات احكمونه
ويــن الرجال الي على الشقر جلاس ***** بـــمــكعبٍ كم غادرٍ ينحرونه
وبمرهف الهندي على مفرق الراس ***** كـــم مــن صـميدع هامته يفلقونه
حـــيــو بــني يعرب الـــياهـب نسناس ***** قـــمــيص مـن داود فـصل زبونه
كـــم مـؤتمر غربي وحياكات دساس ***** ذولا الــبــغايـا بفكرهم هجنونه
استــهــجنونه بــشوفتٍ تـكسر الباس ***** بـــوعــودهــم وحروبهم ضيعونه
امـــة تــشــضـت كل يــومٍ بمقياس ***** كــل مــسلم ارهابي بسفر سجلونه
حــلو دمانى استشرعوا عند توماس ***** والـــحــومـــنــا حلت عــلــيهـم كلونه
عـــضـو انــامـلهم علينا بالاضراس ***** وعــمــا عـــطانا الــرب هم احسدونه
مــياهــنا والارض مــبـــاح تــنداس ***** وغـــربـــانــــهـــم مــن فوقنا ينعقونه
يامير في قلبي جروحٍ وهـوجاس ***** بــــبـــلادنا يــامـــيــر خــلـقٍ سبونه
صرنا انتذكر من مضوا وصاروا ارماس ***** مــثــل صـلاح الدين ناس ايحمونه
ويــامــير مــثـــلك قــايدٍ راعـي الباس ***** نـرجى الكرام اتقودنا وايـــحــدونه
نبكي على مافات وانــتــعــب الـراس ***** اللي سعى بخراب البيت خابت اظنونه
خانــوه مـــن كانوا على البيت حراس ***** كـــيـف ان حرامي البيت يستامنونه
بــوشٍ واوبـــاما وســـرغــي وفراس ***** نــاويــن حــتى بـيت الحرم يهدمونه
الــديــن عـــدوهــم شـر في كل مقياس ***** شاروا عـــلــينا ديــنــكــم تتـــركونه
مــســتشــرقٍ ومـــبــشر بكتب دراس ***** واحـــبــارهــم غـبا بكتابهم بشرونه
ياويــل عــلـماني مشى درب الادناس ***** وعـــن سـنة المختار شاهت اظنونه
ياويـــل عــبــاد الــوثـن دين الافلاس ***** يـــوم الــصـحايف بالحشر ينشرونه
وياويــل أهــل البـــدع مابهم باس ***** باطـــل الــبــسو الـــحق ويـحرفونه
كتــابٍ بــه التشريع واعجاز للناس ***** اهـــل الــعـــلم يـــقـرون ويفسرونه
مايــقبــل التحريف من القوم الاتعاس ***** محـــفــوظ واهل الذكر هم يدركونه
حــاشــا الــباطل يــقربه وفيه عساس ***** من بين اديه ومــن خـلف يحفظونه
يا مــعاديٍ جــبــريل فــاقد لـــلاحساس ***** طـــريـــق خنـزب وسوسه يسلكونه
يقرأ ســحر هـاروت وماروت دعاس ***** وكـــتــاب ديـــن الـحــق هم ينبذونه
إتــبـــعوا مــاتــتلوا الـــشياطــين خـناس ***** يـــود الــكـــفر عــن ديننا يرجعونه
مـــن هـــوليـود ومن نتاجات تكساس ***** دمـــقــراطيةٍ فـــيــها الـبهايم غزونا
تـــولــعوا فـــيــها كـــثـيرٍ مـن الناس ***** غيـــر الـردى والفحش هم ينشرونه
مـــكــر ودجـل ياصاحـبي ماله قياس ***** مـــن عــهـد موسى والدجل يمهنونه
جــو يــتأين والمطر يحيي الأرماس ***** ولـــعــل بــعــــض رجالــنا يـبعثونه
يامـــن احـييت عزير من بعد الاياس ***** تـــحـيي قــلــوبٍ بالـصدور مخزونه
يـا سعــود لــك مـــني ســلامٍ بمقياس ***** رمـــل الــنــفــود ومن وراها ودونه

المواضيع المتشابهه:

رد مع اقتباس

الكلمات الدلالية (Tags)
الامير, السعودي, الفيصل, ابحاث, صعود, قصائد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

خريطة خريطة المواضيع خريطة الاقسام

free counters

Sitemap


الساعة الآن 11:48 PM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.

Security team

Privacy Policy سياسة الخصوصية |