اجمل رسائل الواتساب

  #1 (permalink)  
قديم 08-26-2016, 04:19 AM
انفال غير متواجد حالياً
 
تاريخ التسجيل: Aug 2016
المشاركات: 6,655
معدل تقييم المستوى: 7
انفال is on a distinguished road
افتراضي ابيات شعر عن الخيل الاصيل , قصائد عن الخيول العربية الاصيلة , اقوال في الحصان


صور ,خيل ,جميلة , صور ,روعه ,عن الخيول , صور ,مهرة , قصيدة عن المهرة , شعر ,عن المهرة , شعر ,عن الخيل , ابيات ,شعر ,حب ,للخيل , ابيات شعر ,عن جمال الخيل , جمال ,الخيول ,العربيه , صور ,عن الخيل , صور عن ,الفروسية , قصائد, عن الفروسية , وصف ,الخيل , معلومات ,عن الخيل العربيه , اوصاف ,الخيول ,العربيه



يا سابقي كثرت علوم العرب فيكْ
عٌلوم الملوك من أولٍ ثم تـاليْ

لا نيب بايع و لا نـي بِمهـــديك
وانا اللي اسـتاهـــــل كلّ غَالي

وانتي من الثلث المحرم ولا اعطيك
وانتي بها الدنيا شريدة حلالي

ياما حَلَى خطوى الـقلاعَة تباريك
افرح بها الدنيا الصديق المواليْ

وياما حَلَى زين الندى في مواطيك
في عَثْعَثٍ توّه من الوسم سالي

ويا ما حلى شمشولٍ من البدو يتليْكْ
بقفر به الجازي تربّى الغَزَالي

الخير كــله نـابتٍ في نواصـيـكْ
وادله ليا راعيت زولك قبالي

بِالضيق لـِوجيه المـداريع نثنيك
وعَجله وريّـضه خلاف التوالي

حـقك علّي من الـبّر أبـــّديك .
وَعَلى بدنك الجوخَ أحطّه جلالي

أبيه عن برد المـشاتي يــدفّـيك
وبالقيظ احطك في نعيم الظلالي

يا نافدا اللّي حصلك من مجانيك
جابك عقاب الخيل ذيب العيالي

جابك صبي الجُود من كف راعيك
في ساعة تذهل عقول الرجالي

يا سـابقي نبي نبعـــد مشاحيك
والبعد سلم مكرمين السّباليْ

يم الجنوب وديرِتِهِ نِنتِحي فِيك
لربعٍ من الأوناس قفرٍ وخاليْ



خليت في راس الشفيشف مضنه*** خلي علــــيها الذيب والطــير حـايم

يبكيك راعـي الزمل لا قيل دنه*** لاما اخطت الرفلاء شدود الهمايم

ترفــع سبيب الذيل والراس كنــه*** معصب شريف من كــبار العــمايم

مكـسب صبي كـــل طيب مغنه*** وان اشــهد انها من كبـــــار الغنايم

بدعــــي لــها لعـــل تسكن بجنه*** لـــو كان مـا صلت ولا هي بصايم



انا ليا كثرت الأشاوير ماشير
حلفت ماتي بارزٍ مادعاني

وانا خويّه بالليال المعاسير
والا الرخا كلنٍ يسد بمكاني

وشوري ليا هجّت توالي المظاهير
شلفاّ عليها رايب الدم قاني

شلفّا معوّدها لجدع المشاهير
يوم السبايا كنها الديدحاني

ماني بخبلٍ مايعرف المعايير
قدني على قطع الفرج مرجعاني

ان سندوّ حدرت صوب الجوافير
وان حدروا سندت لمرييغاني

تاخذ بخيران المريبخ مسايير
ومادبر المولى على العبد كاني



ماكل من يركب على الخيل خيال

ولا كل خيل تعجبك هي أصيـله

ولاكل من يعجبك هرجه برجال

بعض العرب ملسون وايده بخيله

الكل يلبس ثوب وشماغ وعقال

وعند اللزوم افعالهم هي قليـله


الرجل تثبت له أقاويل بافعال

لاقال شئ ونفذه هو دلـيله


والرجل لاشفته مع القيل والقـــال

ابعد عنه هذا صفاته عليــله


والكذب خله عنك مافاد لو طال

قول الصدق ياصاح غنم وجميـله

وخلك شجاع وذي صفات للابطال

اللي كما سيوف تبارق سليـله
واللي شراك اشريه لو كان بالمال

خلك معه وان مــــــال دور بديله

واصبر ترى الدنيا تبدل بها أحوال

وما كل شئ صافي تشـــــوفه تجيله

وبعدالكدر تشرب صفا عذب وزلال

هذا الزمن فيه استــــقامه وميله

وصاحب خليل لو جفـا الوقت ما مال

ترى الرجل يعرف بقيمة خليـله

واقفل على سرك بكتمان واقفال

بعض العرب يسمع وينوي بحيله

وخلك أمين إذا توليت الأعمال

من خان في يوم الحشر يا حليله

خل التواضع فيك واضح بالافعال

ترى الكبر يردي بيوم وليـله

ولاتحسد اللي عنده اموال وعيال

وش ينفعك لو كان حـــسدك يزيله

ولا تزور تقلب الزين بطـال

الله عليم بالنوايا الدخـيله

وخلك رزين ترى المخفه للاطفال

واصفح عن المخـــــطي ولو زاد قيله

واحمل همومك لو تزن وزن آلآثقال

بكره تروح وتنجلي لو ثقـيله

وصل الفروض ولاتنسيك آلآشغال

محدن في الدنيـــــا درى وش بقي له

وزور آلآقارب للرحم كون وصـــــال

وخلك عظيم الشان وسط القـبيله


وصلاة ربي عد ماهل همـــــــــــــال

على النبي اللي صفـــــاته جليله



المهـره الـلـي مالـهـا الـيـوم خـيـال..!!





المهـره الـلـي مالـهـا الـيـوم خـيـال
مـا تلتفـت فـي كـل علمـن رجـاهـا



في ساسها تفخر على العز تختـال
محشومتن في عـز شيخـن رعاهـا



ملبسـه تــاج الفـخـر كـبـر وإجــلال
في عينهـا محـدن وصـل مستواهـا



في وصفهـا تقصـر بديعـات الامثـال
وتقصر بيوت الشعر تكسـب رضاهـا



ما لدت العين بصدى صـوت الانـذال
ولا همـهـا لــو كـثـروا فــي نـداهــا



في عينها قرمن لـه الطيـب منـزال
وفـي عينهـا نـظـره بعـيـدن مـداهـا



من عقبها مالي مع النـاس مدهـال
وعيني ما عاد تشوف وجهة خطاها



هي غاية القلب وهوى راحـة البـال
وسعـد العيـون اللـي تزايـد شقاهـا



سبحان من صور لها الحسن والفال
وسبحان من صـور حلاهـا وعطاهـا



وسبحان من يعلـم خفيـات الاقـوال
وسبحـان مــن زود بقلـبـي غـلاهـا




من بنات الريح لي صفراء جغول
كنها ظبي الفلا بجفالها
منوة الخيال عساف الخيول
زينها في دقها وجلالها
زينها ما شفت وصفه بالمثول
الله اللي بالجمال اصخى لها
تستذير كحيلتى من كل زول
ما يصخرها سوى خيالها
اذكر الله كل ما قامت تجول
و احمد الله خصنى بحبالها
كنها تمشي على قرع الطبول
فتنى اللي خافقه يبرى لها
ظافي القصه على الطرف الخجول
تنكسر شمس العصر بظلالها
وصفها وصف السحاب اللي يحول
كل عين تستخيل خيالها
او كما طاري على الخاطر عجول
صاحبه حقيقته ما طالها
كل رجل في حياته له ميول
والهوايه تمتلك رجالها





الله من قلبٍ مولع ومفتون // مولعه شقر المهار الاصايل

شقراً عليها من صفار الذهب لون // ومخالطٍ لونه بحمر النثايل

يالايمي بالخيل بالهون بالهون // لا يالسنافي كب عنك العذايل

للخيل حبٍ داخل القلب مكنون // احبها من حبها لتخايل

رمز الشجاعه والفخر كان تدرون // اقسم بها الرحمن منشي المخايل

الخيل فيها الخير ثابت ومسنون // وصى بها محمد وديع الرسايل

ومن عرض ما جاء في المثايل يقولون // الخيل عزن للرجال و شكايل

منها كسبنا معرفة كل دندون // اعيال الرجال اللي تشيل الثقايل

الطيب لهل الطيب ثابت ومصيون // وش عاد لو الوقت بالبعد حايل

تكفون يا اهل الخيل تكفون تكفون // لا تقطعون الوصل والشك زايل

عمر الفتى مابين داين ومديون // بين الرجال ولا تضيع الجمايل

من عاشر الطيب رقابه عن الدون // سندبه العليا وروس الطوايل

ومن عاشر الخيب يحده على الهون // ما يسقي الضامي سراب القوايل

ويا لايمي بالخيل بالهون بالهون // هذي الفوايد شاهدة بالدلايل

رد مع اقتباس

الكلمات الدلالية (Tags)
الاصيل, الاصيلة, الجيل, الدخول, الحصان, العربية, ابحاث, اقوال, قصائد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ابيات شعر عن مكة المكرمة , قصائد عن مكة , شعر جميل عن مكة انفال الشعر والخواطر 0 08-26-2016 01:37 AM
قصيدة دموع , قصائد بكاء , ابيات شعر حزن مؤلمة انفال الشعر والخواطر 0 08-25-2016 11:33 PM
قصائد شوق مكتوبة , ابيات شعر اشتياق , عبارات عن اللهفة والوله انفال الشعر والخواطر 0 08-25-2016 10:42 PM
تفسير حلم ركوب الحصان في المنام - معنى ركوب الخيل - دلالة الحصان انفال تفسير الاحلام 0 08-10-2016 03:11 AM
ابيات شعر روعه عن الحب والرومانسيه 2016 , قصائد حب و رومانسية مكتوبة 2017 غربة و شوق الشعر والخواطر 0 09-22-2015 01:16 AM

خريطة خريطة المواضيع خريطة الاقسام

free counters

Sitemap


الساعة الآن 02:20 AM.


Powered by vBulletin™ Version 3.8.7
Copyright © 2017 vBulletin Solutions, Inc. All rights reserved.

Security team

Privacy Policy سياسة الخصوصية |